كلامي تقادا و الهم كبر
مافهمت المسالة واش بالصح و لاغدر
ندوز فيامي و الناس قدامي رابحة وانا غادا و نخسر
نفيق على نياب قاسية تنهش فكرامتي بهضرة اللام تدبح والتاء تكسر
مبيدي حيلة من غير كنحاول نبقى ثابتة وخا داخلي كلو مكسر
هادشي كتاب عليا ماختاريتو بيديا وخا كلشي غادي و يكثر
المشاكيل رشاتني وانا صغيرة من برا وجوفي كاني عجوز جارت عليها الدنيا ورماتها فبحر
اللي بغيتو غدرني خدا وقتي واهتمامي ومشا خلاني بحال الرصاصة دخلات فكسدة وحلفات في القلب تنفجر
العائلة كلمة بالنسبة لي اما سندهم بالفلوس ببه تعرف قيمتك واش صح ولا ظهر
قالو الظفر ما يطلع من اللحم هادا كلامي خاوي اما اللي فالغيب مكتوب و مقدر
داري يا قلبي على روحك راه من غير جيبك ماينفعك بشر
انا النية مشيت بيها لكن لقيت راسي حمقة وبنادم وحش متصدر
راه اللومة على العقل اللي مايعرف يختار ولا يهدر
لكن انا وحدة عاقلة والزمان عليها انتصر
نطلب ربي يرحمني برحمتو راه الي بيا فاض ومابقيت على الهضرة قادر.